Kijo Jong Kako

Adik kakok ambo sini beso ko jadi jong kako pat bekwoh dulu .Loni payoh doh nok tengok khidmat demo2 ni semua pat bekwoh tupoh .Kalu ado pun , suasana jauh doh bezo . Tamboh2 bekwoh dulu tu sendiri .Dulu2 gak klu jong dapur , maley x tidur rapat ko pagi .Ralik tu gat wat khijo .Pasey pelito jah .Letrik apo ni semua x dok lagi .

Jong kako ni saloh satu watak penting klu time pat bekwoh dulu . Seminggu nok bekwoh , demo2 pakat meteng ( meeting ) doh siap2 .Bagi tugas sorey2 .Mano hok jadi jong kako , jong air , jong dapur , jong tunggey . Macey2 tugas demo bagi .

Bezonyo bekwoh dulu nga loni , khidmat demo2 ni semua secara makey pinjamey .Daley kato mudoh gak pedera .Hari ni tulong orey ni wat khijo , esok tulong kawey lain pulok wat khijo , gitu lah jugok semula2 pun kawey lain pulok tulong  wat khijo kito .Begitu lah seterusnya .Comel sungguh budaya masyarakat kito dulu khususnya masyarakat Kelate Kito .Tidok ko nanti khijo pat bekwoh jah , tapi wat khijo lain jugok serupo cedung padi , mukul padi , usung rumoh sapa ko cari lembu hiley sekalipun semuo nyo makey pinjamey .

Daley " organisasi " jong kako ni , ado lah sorey ketua jong kako .Ketua jong kako ni lah hok jong bagi tugas , keroh jong kako wat khijo . Kadey2 sapa baloh jong kako nga ketua jong kako kes x leh kain tuala good morning .Buleh kain tuala good morning , jaley pun nyengeng jah jong kako ni .Letok kain tuala atas bahu .

Kadey2 baloh gegey gegok samo jong kako .Hidangey x sapa2 lagi , jong kako sibuk ko duk caro makey kerok nasi daley kawoh nga khopeh aye . Khopeh aye ni bahagian jong kako lah .

Bowok tu gak beledi kecik wat isi gulai namboh .Orey x suruh tamboh nya mari tamboh . Tamboh2 klu hok jong makey tu set2 tino , kerek lah mari tamboh gulai 16 belas kali sebentar .Gular nga nasi kosong .Duo ni jah buleh tamboh nyo , tidok pun sambal dengan dalca .X soh duk mitok lah , daging buku besar ko , aye masok meroh kerat 4 pun , nya lerak gular ko jong kako atas palo x dok pasal .Pasal daging buku besar nga aye masok meroh beloh 4 ni , jong dapur wat stemet doh cukup2 .Jong dapur ni lah bahagian jong control lauk ni semua .

Daley ramai2 jong kako ni ado jugok lah sorey duo hok berehi celiko .Kerek benar masuk dapur .Kabar2 ghaib , kabar2 ghaib .Apo duk itar anok daro dapur .Nok2 pulok klu time orey belarok sapa , kalut doh lah dok itar set2 belarok mari , keno pulok ado anok daro .

Nok balik rumoh tu buleh lah upoh gular supit , kain pelikat buleh selai , pah pulut kuning buleh sejura .Pulut pulok nya kerah . Tumpat molek , kerah meh2 tanoh kor .Nok wat guano 3 hari caro ko duk tanok doh pulut .

Ado jugok pesen jong kako , mecok balik awal x dey sudoh khijo . Beley2 mecok , rokok Dunhill 20 bedal doh bubuh daley poket .